Bugun, 14-dekabr kuni Toshkent shahrining Chilonzor tumanida uchta avtomashina ishtirokida yo‘l-transport hodisasi sodir bo‘ldi. Holat yuzasidan shahar IIBB YHXB maʼlumot berdi.
Qayd etilishicha, hodisa soat 15:00 larda Chilonzor tumanining Bunyodkor shohko‘chasi “Novza” jome masjidi ro‘parasida yuz bergan. Unda 2003-yilda tug‘ilgan Sh.S. boshqaruvidagi Nexia 3, 1972-yilda tug‘ilgan Sh.X. boshqaruvidagi Lacetti hamda 1990-yilda tug‘ilgan J.X. boshqaruvidagi Labo o‘zaro to‘qnashgan.
YTH oqibatida Lacetti rusumli transport vositasi haydovchisi Sh.X. tan jarohati olgan.
Holat yuzasidan Toshkent shahar IIBB YHXB tomonidan surishtiruv ishlari amalga oshirilmoqda.