“Toyota” Yaponiyadan tashqarida birinchi o‘zining akkumulyator zavodini qurdi va loyihaga qariyb 14 milliard dollar sarmoya kiritdi.
Shimoliy Karolinadagi inshoot allaqachon ishga tayyor – Shimoliy Amerikada sotiladigan “Toyota” va “Lexus” elektromobillari uchun akkumulyatorlar aprel oyidan jo‘natila boshlaydi.
Zavodda 14 ta ishlab chiqarish liniyasi mavjud: ulardan 10 tasi elektr transport vositalari va plagin-gibridlar (PHEV) uchun akkumulyator modullarini, yana 4 tasi esa o‘z-o‘zidan quvvatlanadigan gibridlar uchun akkumulyator modullarini ishlab chiqaradi. 2030 yilga kelib Toyota ishlab chiqarishni yiliga 30 gigavatt-soatgacha oshirishni rejalashtirmoqda, bu esa 70 kVt/soat akkumulyatorli 400 mingdan ortiq elektromobil uchun yetarli.
Jarayonni tezlashtirish uchun “Toyota” Shimoliy Karolinadagi zavodga 10 milliard dollar sarmoya kiritdi va Kentukki shtatining Jorjtaun shahridagi ishlab chiqarish maydonchasini kengaytirmoqda. Garchi, so‘nggi maʼlumotlarga ko‘ra, uning ishga tushirilishi 2026 yilgacha qoldirilishi mumkin.
Komila Odilova tayyorladi