“Prezident Zelenskiydan meni qo‘llab-quvvatlagani uchun minnatdorman, chunki men AQSHning keyingi prezidenti sifatida tinchlik o‘rnataman va ko‘p odamlarning hayotiga zomin bo‘lgan urushni tugataman. Har ikki tomon birlashib, zo‘ravonlikka barham beradigan va farovonlikka yo‘l ochadigan kelishuvga erishishi mumkin”, — deb yozgan Tramp Truth Social ijtimoiy tarmog‘idagi sahifasida.
“Men Donald Tramp bilan uni Respublikachilar partiyasidan prezidentlikka nomzod sifatida ko‘rsatilgani bilan tabriklash va Pensilvaniyadagi dahshatli suiqasdni qoralash uchun gaplashdim. Men unga shijoat va kelajakda mutlaq xavfsizlik tiladim”, — deya qayd etdi Zelenskiy X ijtimoiy tarmog‘idagi sahifasida.
Ukraina prezidenti, shuningdek, Tramp bilan yuzma-yuz uchrashuvda qanday harakatlar dunyoni adolatli va chinakam barqaror qilishi mumkinligini muhokama qilishga kelishib olganini qo‘shimcha qildi.