Qonunda aytilishicha, hayvonlarni evtanizatsiya qilish taqiqlanadi. Shu bilan birga, parvarish qilinadigan hayvonlar davolab bo‘lmaydigan kasalliklarga chalingan yoki o‘tkir yuqumli kasalliklar tashuvchisi bo‘lgan hollarda veterinariya shifokorining qarori bilan evtanizatsiya qilinishi mumkin.
Turkiya Buyuk Millat Majlisi (parlamenti) tomonidan qabul qilingan va tasdiqlangan qonunga muvofiq, barcha qarovsiz itlar to‘planib, hayvonlar boshpanasiga olib ketiladi. Hayvonlar boshpanasiga joylashtirilgan itlar sterilizatsiya qilinadi va asrab olinadi. Shuningdek, uy hayvonlarini ko‘chaga tashlab ketganlar 60 ming turk lirasi miqdorida jarimaga tortiladi.
Hujjatga ko‘ra, qarovsiz itlarni yig‘magan va qonun hujjatlariga rioya qilmagan hokimlik rahbarlari 6 oydan 2 yilgacha ozodlikdan mahrum qilinadi. Ma’lum qilinishicha, mushuk va it egalari 2025-yilgacha uy hayvonlarini raqamli identifikator yordamida ro‘yxatdan o‘tkazishlari kerak bo‘ladi.