Turkiyaning janubi-sharqiy qismidagi Shanliurfa shahrida yuk mashinasi avtomobillar bilan to‘qnashishi oqibatida ko‘prikdan qulab tushdi. Ushbu YTH natijasida uch kishi halok bo‘ldi, yigirmadan ortiq kishi yaralandi.
“Shanliurf shahrining Birchiq tumanida tormoz tizimi ishdan chiqqan yuk mashinasi oldinda harakatlanib ketayotgan avtomobillarni urib yuborishi oqibatida ular bilan birga ko‘prikdan qulab tushdi. Hodisa oqibatida 3 kishi halok bo‘ldi, 22 kishi yaralandi”, - deyiladi xabarda.
Mahalliy hokimiyat maʼlumotlariga ko‘ra, YTHda halok bo‘lganlar va jabrlanganlar Turkiya fuqarolari.