"У келажакда афсонага айланиши мумкин"
Икер Касиляс Ламин Ямални Роналдиньо билан солиштирди.
"Реал"нинг собиқ дарвозабони Икер Касиляс "Барселона" футболчиси Ламин Ямални Роналдиньо билан солиштирди .
“Ламиннинг қилган иши менга фақат Роналдиньони эслатади. Унинг дриблинги ва ҳаракати бутунлай унга ўхшайди. Бу бола 16 ёшида оддий эмас эди. У келажакда афсонага айланиши мумкин", - деди Касиляс.
Ямал каталонияликлар тарбияланувчиси бўлиб, 2023 йилнинг ёзида "Барселона"нинг асосий жамоасига қўшилган. Жорий мавсумда 16 ёшли футболчи "кўк-анорранглилар" сафида барча мусобақаларда 33 та ўйин ўтказиб, 5 та гол урди ва 5 та голли узатмани амалга оширди. Трансфермаркт интернет порталига кўра, футболчининг нархи 60 миллион еврони ташкил қилади.
