Agentlikning masofaviy monitoring tartibidagi o‘rganishlari davomida O‘zbekistonning uch hududida 2 milliard 374 million so‘mlik davlat xaridlari bekor qilindi. Xususan, quyidagi davlat buyurtmachilari tomonidan amalga oshirilgan davlat xaridlarida qonunchilik talablari buzilishiga yo‘l qo‘yilgani aniqlandi:
— Xovos tuman yo‘llardan foydalanish unitar korxonasi buyurtmachiligida yuk tashish xizmatini ko‘rsatish bo‘yicha o‘tkazilgan 700 million so‘mlik davlat xaridi;
— Andijon viloyat ko‘p tarmoqli tibbiyot markazi buyurtmachiligida autsorsing xizmati ko‘rsatish bo‘yicha o‘tkazilgan 174,0 million so‘mlik davlat xaridi;
— Toshkent viloyati ixtisoslashtirilgan somatika shifoxonasi buyurtmachiligida qurilish mahsulotlari xarid qilish bo‘yicha o‘tkazilgan 1,5 milliard so‘mlik davlat xaridi.