Украина ва Швеция хавфсизлик бўйича шартнома имзолади
Швеция Украинага қарийб 6,5 миллиард евро миқдорида ҳарбий ёрдам кўрсатади.
Стокголмда Украина президенти Владимир Зеленский ва Швесия бош вазири Улф Кристерссон хавфсизлик кафолатлари бўйича икки томонлама келишувни имзолади.
Унга кўра, 2024-2026 йиллар давомида Швеция Украинага қарийб 6,5 миллиард евро миқдорида ҳарбий ёрдам кўрсатади, бу йилига тахминан 2,2 миллиард еврони ташкил этади. Шартноманинг ўн йиллик муддати давомида ёрдам миқдори ортади.
Бундан ташқари, Украинанинг ҳарбий ёрдами авиация ва ҳаво мудофааси, зирҳли техника, артиллерия, денгиз хавфсизлигини кучайтириш, миналардан тозалаш ёрдами ва учувчисиз учиш аппаратларини ўз ичига олади.
Швеция аллақачон Украинани Арчер артиллерия тизимлари ва SV90 жанговар машиналари билан таъминлаган ва тақдим этишда давом этади, бунинг учун ҳамкорлар биргаликда ишлаб чиқариш имкониятларини ўрганадилар.
Швеция, шунингдек, Украинанинг замонавий мудофаа саноати салоҳиятини ривожлантиришни қўллаб-қувватлайди ва Швеция мудофаа маҳсулотларини Украинада маҳаллийлаштириш, таъмирлаш, техник хизмат кўрсатиш ва ишлаб чиқариш бўйича икки томонлама ҳамкорликни ривожлантиради.
