Хитойда қадимги инсоннинг янги тури топилди
Бу тур вакиллари бош, пешона ва тишлари билан фарқ қилган.
Хитойда илгари номаълум бўлган қадимги одамларнинг қолдиқлари аниқланди. Бу тур вакиллари замонавий инсондан ғоят катта бош, паст пешона ва йирик тишлари билан фарқ қилган. Унга хитой тилида "улкан бош" маъносини англатувчи Ju lu сўзидан келиб чиқиб, Homo juluensis номи берилди.
Homo juluensis'нинг бош суяги ҳажми 1700-1800 куб сантиметрга етган. Солиштирадиган бўлсак, замонавий Вояга етган Homo sapiens'нинг бош суяги ўртача 1350 куб сантиметрни ташкил этади, неандертал одамники эса — тахминан 1450 куб сантиметр.
Тадқиқотлар шуни кўрсатмоқдаки, улар ҳозирги Хитой ҳудудида 200 минг йил аввал яшаган ва анча тараққий этган: гуруҳ бўлиб ов қилишган, қурол-яроғ, асбоб-ускуналар ва кийим-кечаклар ясашган.
