Яккасарой туманида "Lacetti" ёниб кетди
Жорий йилнинг 10 октябрь куни соат 21:00 да, Тошкент шаҳар, Яккасарой тумани, "Шота Руставели" кўчасида ҳайдовчи "Lacetti" русумли автомобилда ҳаракатланаётиб ушбу кўчада жойлашган "Анжир" ресторани рўпарасига етган вақтида бошқарувни йўқотган ва йўл ўртасидаги ёритиш чироғи устунига урилган.
Тўқнашув оқибатида автомобилда ёнғин юзага келган. Воқеа жойига ўт ўчирувчилар бригадаси чақирилган ва ёнғин бартараф қилинган. Ҳодиса натижасида ҳайдовчи ва бир нафар йўловчи вафот этган. 2 нафар йўловчилар оғир тан жароҳатлар билан шифохонага ётқизилган.
Ҳолат юзасидан Тошкент шаҳар ИИББ ҳузуридаги ТБ ва ЙҲХБ ходимлари томонидан дастлабки суриштирув ҳаракатлари олиб борилмоқда.
Аввалроқ Жиззахда "Hyundai" ва "Камаз" иштирокидаги ЙТҲ оқибатида ҳайдовчилардан бири ҳалок бўлгани ҳамда Юнусобод туманида 3та автомобиль иштирокида ЙТҲ содир бўлгани ҳақида хабар берган эдик.
Муножат Валиева
