Юнусобод туманида 3та автомобил иштирокида ЙТҲ содир бўлди
2021 йил 12 август куни соат 08:50ларда, Тошкент шаҳар, Юнусобод тумани, Амир Темур кўчасида йўл-транспорт ҳодисаси содир бўлди.
ИИВ ЙҲХБ хабарига кўра, ҳайдовчи, 1989 йилда туғилган Д.С. бошқарувидаги "Nexia 3", ҳайдовчи 1959 йилда туғилган Ғ.Ю. бошқарувидаги "Cobalt" ҳамда ҳайдовчи 1999 йилда туғилган Х.Ф. бошқарувидаги "Spark" русумли автомобиллар иштирокида тўқнашув содир бўлган.
ЙТҲ натижасида тан жароҳати олганлар йўқ. Мазкур ЙТҲ юзасидан Тошкент шаҳар ИИББ ЙҲХБ ходимлари томонидан суриштирув олиб борилмоқда.
"Барча ҳайдовчилардан қоидаларга риоя қилишларини сўраймиз", дейилади хабарда.
