Madridliklar yangi Chempionlar Ligasining birinchi tur o'yinini g'alaba bilan boshlagandi. Endrik musobaqa doirasida birinchi marta maydonga tushdi va Chempionlar ligasida gol urgan eng yosh "Real Madrid" futbolchisiga aylandi. Ikkinchidan, Eduardo Kamavinga jarohati sabab mavsum boshini o'tkazib yuborganidan so'ng, safga qaytdi. Yana bir qiziq jihat shundaki, Lunin yana jarohat olgan Kurtuaning o'rnini egalladi.
"Lill" Madrid jamoasiga qarshi yaxshi taktika qo'llay oldi. Jamoa tavakkal qilmaslikka va qarshi hujumlarda o'ynashini amalda ko'rsatib qo'ydi. “Real” bunga qarshilik qilmadi va o'zining o'yinini ko'rsatishda davom etdi. Jamoa uchrashuv davomida bir necha bor xavfli vaziyatlar yaratishga muvaffaq bo'ldi, biroq ulardan unumli foydalana olmadi.
"Lill"ning hujumdagi asosiy umidi Edon Jegrova edi. Kosovolik futbolchi o'ng qanotda imkoniyatlar qidirdi va tez-tez hujumlarni yaratishda faollik ko'rsatdi. Lekin, uning harakatlari kamdan-kam hollarda muvaffaqiyatli yakunlandi. Unga hujumda to'purar Jonatan Devid va Remi Kabella yordam berdi.
Birinchi bo'limdagi eng xavfli vaziyat 19-daqiqada yuzaga keldi. Endrik tezkorlik bilan to'pni raqib jarima maydonchasiga olib kirdi va yaqin masofadan Lyuk Chevalier darvozasini nishonga oldi. Ammo. to'p darvoza yonidan o'tib ketdi. Oradan bir necha daqiqa o‘tib, “Lill” nihoyat hujumlar uyushtirishni boshladi. Jegrova himoyachilarni ortda qoldirib Lunin darvozasi tomon zarba yo'lladi. Lekin, ukrainalik futbolchi uning zarbasini bartaraf etishga muvaffaq bo'ldi.
Taym o'rtalariga kelib jamoalar o'z o'yinlarini almashgandek bo'ldi: "Lill" ko'proq pozitsion hujumlarni amalga oshirishni boshladi. "Real" esa Vinisius orqali qarshi hujumlarga o'tishga harakat qildi. Mezbonlar bo'lim oxirida jarima maydonchasi oldida standart vaziyatga ega bo'ldi. Jegrova esa o'z ixtiyori bilan zarbani amalga oshirdi. Jarima maydonchasi ichida esa hakam Kamavinga to'pni qo'li bilan o'ynagan deb topdi va madridliklar darvozasi tomon penalti belgiladi. David penaltini sovuqqonlik bilan golga aylantirdi va jamoasini hisobda oldinga olib chiqdi.
“Real” o'yin yakuniga qadar hisobni tenglashtirishga harakat qildi, biroq barcha urinishlar besamar ketdi. Shu tariqa "Real Madrid" bir yil davomida ilk bor mag'lubiyat alamini totib ko'rishga majbur bo'ldi. Fransuz klubi esa o'z tarixidagi muhim g'alabaga erishdi.