Япония охирги ўн йилликдаги энг катта ёнғинни тўхтатди
Ёнғин 12 кунлик курашдан сўнг ўчирилган.
Япониянинг Офунато шаҳрида 1992 йилдан бери кузатилган энг йирик ёнғиннинг тарқалиши тўхтатилди. Шаҳар мери Киёси Фучигами матбуот анжуманида ёнғин 12 кунлик курашдан сўнг ўчирилганини эълон қилди. Бироқ айрим ҳудудлар аҳолисига нисбатан эвакуация ҳолати ҳали ҳам кучида қолмоқда.
Расмий маълумотларга кўра, ўрмон ёнғини 3 минг гектарга яқин ҳудудни қамраб олган ва 200 дан ортиқ бинога зарар етказган. Ёнғинни ўчиришга 2000 дан ортиқ қутқарувчи ва ўт ўчирувчи, шунингдек, 15 та вертолёт жалб қилинган.
Мутахассисларнинг фикрича, келгуси кунларда вазият тўлиқ барқарорлашиши кутилмоқда. Эвакуация қилинган фуқаролар яқин вақт ичида уйларига қайтишлари мумкин.
