Yaponiyaning Xonsyu orolidan janubi-sharqda joylashgan Nankay yorig‘ida 8-9 magnitudali kuchli zilzila ehtimoli 80 foizgacha oshdi. Bu haqda 16 yanvar kuni NHK telekanali Seysmik faollikni o‘rganish bo‘yicha hukumat komissiyasiga tayanib xabar berdi.
Aniqlanishicha, zilzila yuzaga kelish ehtimoli yaqin 30 yilga mo‘ljallangan. Yer silkinishi oqibatida 323 minggacha mahalliy aholi qurboni bo‘lishi mumkin. Komissiya maʼlumotlariga ko‘ra, so‘nggi 8 magnitudali kuchli zilzila 78 yil oldin Nankay yorig‘ida sodir bo‘lgan.
Bundan tashqari, komissiya Kuril va Yaponiya qirg‘oqlari bo‘ylab kuchli zilzilalar ehtimoli ortib borayotganini qayd etdi.