Yevropa top-ligalarida yozgi transfer oynasining yopilishiga sanoqli soatlar qoldi. Klublar yakuniy bitimlarni tuzmoqda. Muxlislar belgilangan muddat tugashiga oz vaqt qolganida kutayotgan asosiy transferlar haqida to'xtalmoqchimiz.
Manuel Ugarte
"Manchester Yunayted" yarim himoyani kuchaytirishi kerak. Erik ten Xagda yosh Kobbi Maynu va Kazemiro bor. Lekin, braziliyalik futbolchi "Real"da ko'rsatgan o'yinini ko'rsatmayapti. Yarim himoyada esa o'zgaruvchanlik zarur. Manuel Ugarte "Manchester Yunayted"ga yordamga keladi. Manuel hujumlarni ustalik bilan yo'q qila oladi. "Manchester Yunayted" urugvaylik futbolchi uchun 60 million yevro to‘laydi. Shartnoma tez orada amalga oshishi mumkin.
Jeydon Sancho
Jeydon Sancho "Manchester Yunayted" bosh murabbiyi Erik ten Xag bilan yarashdi. Ammo, bu vingerning klubda qolishiga yordam bermadi. Qishda u Dortmundning "Borussiya"siga qaytdi, endi esa Italiyaga safar qilish arafasida. "Yuventus"ga yangi futbolchilar kerak. Turinliklar allaqachon “Fiorentina”dan Nikolas Gonsales va “Portu”dan Fransisko Konseysaoni jamoaga qo'shib olishgan.
Viktor Osimhen
Yozning asosiy transfer hikoyalaridan biri nihoyasiga yetishi mumkin. Variantlar ko'p: Osimhen Premyer-liga, Liga-1 va Saudiya Arabistoni jamoasi tanlash imkoniyatiga ega. Bir necha oy davomida "Chelsi" va "PSJ" Viktorning transferi haqida "Napoli" bilan gaplashishdi, ammo italiyaliklar futbolchi uchun katta narx aytishdi - 130 million yevro. Shundan so'ng, Saudiyaning "Al-Ahli" klubi masalasiga aralashdi: Fabritsio Romano klublar nigeriyalik futbolchining transferi bo'yicha kelishuvga yaqin ekanini ma'lum qildi. “Al-Ahli” hozircha Osimhen bilan kelishuvga erishmagan. Forvard kattaroq maosh olishni xohlaydi.
Jonatan Ta
"Barselona" bosh murabbiyi Xans-Diter Flikda kutilmagan reja paydo bo'ldi. Jurnalist Jerar Romeroning xabar berishicha, nemis murabbiyi rahbariyatdan "Bayer" himoyachisi Jonatan Ta bilan shartnoma imzolashni so'ragan. "Barselona"ga aksincha yarim himoyachi kerak. Jurnalist Rojer Torelloning qayd etishicha, "Barsa" "Bayer"ga 20 million yevro taklif qilgan, Jonatan Ispaniyaga o'tib, Flick qo'l ostida o'ynashni xohlamoqda. "Bayer" futbolchi uchun 30 million yevro talab qilmoqda.
Kingsli Koman
Kingsli Koman "Bavariya"ning yangi bosh murabbiyi Vensan Kompaning rejalariga kiritilmadi. Shu sababli myunxenliklar fransiyalik vinger uchun takliflarga ochiq. Yevropa OAVlari unga "Barselona", "PSJ" va "Manchester Siti" klublari qiziqish bildirishgani haqida yozishgan. Biroq, faqat Saudiyaning “Al-Hilol” klubi jiddiy taklif bilan chiqdi. Koman Yaqin Sharqqa ko'chib o'tish to'g'risida qaror qabul qilishdan oldin Yevropadagi transfer oynasi oxirigacha kutishi mumkin. Kingsli Yevropaning top-klublaridan taklif olmasa, "Al-Hilol"ga o'tishga rozi bo'ladi.