ЮНЕСКОга кирган баъзи маданий объектлар рўйхатдан чиқарилиши мумкин
ЮНЕСКО бутунжаҳон мероси рўйхатига инсоният учун ўта муҳим деб топилган табиат ва маданият объектлари киритилган.
Бу статус мазкур объектлар учун қайғуриш ва уларни келажак авлодга етказиш зарурлигини билдиради. 16 июль куни ташкилот қўмитаси бу рўйхатга яна нималарни қўшишни муҳокама қилиш учун йиғилади.
Сессияда шунингдек, хавф остидаги жойлар муҳокама қилинади. Яъни, агар улар бирор ҳодиса сабаб рўйхатга киритилган ўзига хослигидан маҳрум бўлса, ундан чиқарилиши мумкин.
Умумий ҳисобда 7 та шундай объект аниқланган. Уларга инсон фаолияти ёки табиий офатлар хавф солмоқда.
Айни пайида 2 та объект рўйхатдан бутунлай ўчирилиши мумкин.
Бундан аввал фақат 2 марта: 2007 ва 2009 йилларда шундай ҳодиса рўй берган.
Энди Танзаниядаги Селус қўриқхонаси тўғон қурилиши туфайли ва Британиядаги Ливерпуль порт шаҳри рўйхатдан чиқарилиши мумкин. ЮНЕСКО у ердаги замонавий бинолар порт кўринишини бузаётганидан хавотирда.
Шунингдек, Австралиядаги Катта баръер рифи ҳам рўйхатдан чиқарилиши мумкин. Ташкилот унинг кораллари йўқолиши мумкин, деб ҳисоблайди. Шиддатли туризмдан азият чекаётган Венеция сув ҳавзалари, Камчатка вулқонлари, Будапешт, Албания ва Шимолий Македониянинг Охрид тумани табиат ва маданият ёдгорликлари, Ғарбий Африкадаги қўриқхоналар тизими ва Непалдаги Катманду водийсига ҳам худди шу хавф таҳдид солмоқда.
Қўмитанинг 44 сессияси Хитойнинг Фучжоу шаҳрида онлайн форматда иш бошлайди.
Шарофат Маҳмудова
