Вакцина олганлар ҳам ўзларини ҳимоялашлари шарт!
Вакцина олган шахснинг атрофдагиларга вирус юқтириш хавфи юқорилиги ҳақиқатми? Дунё нисбатида эмланиш жараёни қандай кетмоқда? Вакцинация қилишнинг қандай талаблари мавжуд?
-Жаҳон бўйича кўплаб давлатларда аҳолининг 80 фоиздан зиёд қисми вакцина билан эмланган.
-Ўзбекистон бўйича вирус юқтирганлар сони 72227 та ва ундан тузалганлар сони 69477 та. Бу 96,19 фоиз ижобий ҳолат мавжуд эканини кўрсатади.
- Жаҳон соғлиқни сақлаш ташкилотининг бош директори томонидан вакцинация жараёнида вируснинг одамдан-одамга ўтиш жараёни тезлашади, вирус ўзини ҳимоялаб қолишга ҳаракат қилади деб маълумот берилган.
- Вакцина олганлар вакцина олмаганларга вирус юқтириши хавфи жуда юқори! Бу бўлмаган гап. Шундай ҳолатлар кузатиляптики, инфекция юқтирганлар ёки юқтирганлар билан контактда бўлганлар ўзлари билмаган ҳолда, "..ишхонадан талаб бўляпти,.. вакцина олиш зарур" важлари билан вакцина олишади, лекин вирус юқтирганини ёки вирусга чалинганлар билан контактда бўлганини шифокордан яширишади. Шу ҳолатда, энг аввало, ўша одамнинг ўзи касалланади ёки организмида симптомларсиз ҳолат мавжуд бўлса тарқатувчига айланиб қолади. Сиз вакцина олдингиз дегани, шу кундан бошлаб вирусдан ҳимояландингиз, сизга юқмайди дегани эмас. Вакцинациядан сўнг икки ҳафта давомида ҳеч қандай антителалар бўлмайди, уч босқични тўла тугатгандан сўнг, яъни тўрт ой мобайнида сизда тўлиқ ҳимоя шаклланади. Шундай экан, вакцина олганлар ҳам ўзларини ҳимоялашлари шарт.
- Фуқарода вакцина таркибида бўлган бирор бир воситага, масалан тухум оқига аллергия бўлса, у шифокорни огоҳлантириши зарур. Бемор ўз касалликларини яшириши вакцинанинг унга нотўғри таъсир қилишига олиб келади ва шундай ҳолатлар вакцина тўғрисидаги асоссиз маълумотлар кўпайишига олиб келади. Бемор шифокорни огоҳлантиргач, мутахассис ҳолатга ва текширув натижаларига қараб талабгорга ташхис қўяди.
