Грузия ҳукумати чекловларни қайта тиклади
Грузияда шу йилнинг 14 августидан эпидемиологик вазият ёмонлашгани туфайли чекловлар қайта тикланди.
Шаҳарда жамоат транспорти уч ҳафта ҳаракат қилмайди. Фестиваль, концерт, спорт тадбирлари ўтказиш тақиқланди. Болалар ўйин майдонлари ҳам ёпилди. Умумий овқатланиш нуқталари 23:00 гача ишлайди.
Компания ва ташкилотларга масофавий ишлаш таклиф қилинди.
Бу чоралар сўнгги икки ҳафта ичида Грузияда коронавирусга чалинганлар сони кескин кўтарилгани туфайли жорий этилди. Ўтган бир сутка давомида мамлакатда беш мингдан зиёд коронавирусга чалинган бемор рўйхатга олинди.
Шарофат Маҳмудова
