Ўзбекистонлик болалар Беларусда дам олади

 

 

Беларусь раҳбари Aлександр Лукашенко Зубренок миллий болалар таълим ва саломатлик марказида Суриялик 81, Ўзбекистонлик 23 болани дам олиш ва соғлиғини яхшилаш харажатларини молиялаштириш учун президент захира фондидан маблағ ажратиш тўғрисидаги буйруқни имзолади. Бу ҳақда Беларусь раҳбари матбуот хизмати маълумотига таяниб "Бельта" хабар берди.

 

Болаларнинг дам олиши дастурига лагерда санаторий-соғломлаштириш хизматлари, Минск шаҳри ва вилоятларга сайёҳат ҳамда маданий тадбирлар киради.

 

"Сурия ва Ўзбекистонлик болаларни таклиф қилиш бу давлатлар билан гуманитар ва таълим соҳасидаги икки томонлама ҳамкорликни янада ривожлантириш, Беларусь тарихи ва маданиятини оммалаштириш, шунингдек, мамлакатнинг хориждаги ижобий имижини мустаҳкамлашга ёрдам беради", - дейилади хабарда.

 

Муножат Валиева