«Толибон» ҳаракати Афғонистонда алоҳида таълимни жорий этиш тўғрисида қарор қабул қилди
Бу ҳақда «Al Arabiya» телеканалига таяниб «ТАСС» хабар берди.
Унга кўра, ўғил ва қиз болалар учун алоҳида синфлар яратилади. Таъкидланишича, қизларнинг таълим жараёнларида иштирок этишига ҳеч қандай тақиқ қўйилмаган. Бундан ташқари, ҳаракат аёлларни бўлажак ҳукумат ишида иштирок этишга таклиф қилган. Олдинроқ «Толибон» ҳаракати аёлларнинг ҳуқуқларини ҳурмат қилиши, уларга ўқиш ва ишлашга рухсат беришини таъкидлаган.
1996–2001 йилларда «Толибон» ҳаракати Афғонистонни назорат қилган даврда, қизлар таълим олишда жиддий камситишга дуч келган ва уларнинг кўпчилиги мактабга бормаган. Human Rights Watch ташкилотининг маълумотларига кўра, мамлакатдаги саводхонлик даражаси қизлар орасида 37 фоизни, ўғил болаларда эса 66 фоизни ташкил этади.
Аввалроқ Афғонистонда «Толибон» ҳаракати эгаллаган ҳудудлардаги вазият тўғрисида маълумот берилганди. Шунингдек, «Толибон» ҳаракати Aфғонистонда Ислом амирлиги ташкил этилганини эълон қилмоқчилиги айтилган.
