“Катта еттилик” ташқи ишлар вазирлари Афғонистон масаласини муҳокама қилади
Япония Ташқи ишлар азири Тосимицу Мотэгининг маълум қилишича, 8 сентябрь куни “катта еттилик” давлатлари учрашуви бўлиб ўтади.
Унда G-7 ташқи ишлар вазирлари учрашади. Мотэги шунингдек, бу тадбирга Россия ва Хитой ТИВ раҳбарлари ҳам таклиф этилганини айтиб ўтган. “Катта еттилик ТИВ даражасидаги учрашуви кейинга ҳафтада ўтказилади. Унда Россия ва Хитой вакиллари ҳам иштирок этади”, деган у.
Учрашувнинг асосий мавзуси Афғонистондаги вазият бўлади.
Август ойида Афғонистонда вазият кескинлашди. 15 август куни “Толибон” томонидан Кобул шаҳрининг жангсиз эгалланиши ортидан чет давлат фуқароларини эвакуация қилиш бошланди. Афғонистондаги вазият бундан аввал ҳам “катта еттилик” давлат раҳбарлари томонидан муҳокама қилинган эди. Жумладан 24 август куни G-7 етакчилари Афғонистон масаласи, қочқинлар ва “Толибон” билан алоқалар юзасидан фикр алмашган.
