Криштиану Роналду беш кунлик мажбурий карантинни оиласи даврасида ўтказмоқда
"Манчестер Юнайтед"га ўтган Криштиану Роналду беш кунлик мажбурий карантинни ўтамоқда.
Футболистнинг қаллиғи Жоржина Родригес ўзининг Instagram саҳифасига жойлаган суратлардан кўриш мумкинки, Роналду кунни оиласи даврасида ўтказмоқда.
Аввалроқ «Манчестер Юнайтед» футболчиси Криштиану Роналду Буюк Британияга етиб боргани, уни жамоанинг техник директори Даррен Флетчер кутиб олгани ҳақида хабар қилган эдик. Ўз навбатида жамоа раҳбарияти Буюк Британия ҳукуматидан мамлакатга етиб келган спортчининг машҳурлигини инобатга олган ҳолда унга нисбатан карантин чекловларини қўлламасликни сўраган эди. Аммо бу таклиф рад этилиб, ҳар қандан португалиялик қатори Криштиану ҳам карантинга риоя этиши айтилганди.
Шунингдек, хабарларга кўра, Криштиану Роналду Манчестер шаҳридаги энг қиммат уйлардан бирига жойлашган. Ҳашаматли саройда юқори технологияли сузиш ҳавзаси ва жакузи билан жиҳозланган фитнес мажмуаси мавжуд.
