Тўрақўрғон туманида автоҳалокат: “Spark” ёниб кетди
Бугун Наманган вилоятининг Тўрақўрғон туманида кутилмаган автотранспорт ҳодисаси юз берди. Ушбу воқеа ҳалокатли якунланди.
Вилоят Фавқулодда вазиятлар бошқармасининг тезкор маълумотларга кўра, шу йил 6 сентябрь куни соат 15:58лар чамасида, Тўрақўрғон туманидаги “Чусткўприк” маҳалла фуқаролар йиғини ҳудудида жойлашган Тут кўчасида ҳаракатланиб кетаётган ҳайдовчи, 1961йилда туғилган, шу тумандаги “Ўрда ер” маҳалласида яшовчи фуқаро Ф.Қ. бошқарувида бўлган “Spark” автомомашинасининг двигател қисмида ёнғин юзага келган. Оқибатда, автомашинанинг салони, матори ва кузови тўлиқ ёниб, зарарланган.
Ҳайдовчи зудлик билан автомобилни тўхтатган ва ўт ўчириш хизматига хабар берган. Ёнғин ўт ўчирувчилар томонидан қисқа фурсат ичида бартараф этилгаан. Ёнғин сабабли тан жароҳати олганлар йўқ.
Мазкур ҳодиса юзасидан Тўрақўрғон тумани Фавқулодда вазиятлар ҳамда туман Йўл ҳаракати хавфсизлиги бўлими ходимлари томонидан суриштирув ишлари олиб борилиб, ёнғин юзага келиш сабабларига аниқлик киритилмоқда.
Шу ўринда, барча ҳайдовчилардан бошқарувидаги транспорт воситасининг техник созлигига эътиборли бўлишлари сўралади.
Эслатиб ўтамиз, аввалроқ Қамчиқ довонида ва Жиззахда юк машинаси ёниб кетганди. Шунингдек, Қашқадарёда “Isuzu” билан тўқнашган “Lasetti” ёниб кетгани ҳақида хабар берилганди.
