Ҳиндистонда Афғонистондан кириб келган 3 тоннага яқин героин аниқланди
Ҳиндистонда Афғонистондан кириб келган 3 тоннага яқин героин аниқланди, дея хабар бермоқда “BBC News”.
Маълум қилинишича, Гужарат штатида Ҳиндистон разведка хизматининг контрабандага қарши кураш бўлими ходимлари қарийб 3 тонна героин аниқлаган. Мусодара қилинган гиёҳванд модда 2.7 миллаирд долларга баҳоланган. Ҳиндистонга героин Эроннинг Бандар-Аббос порти орқали кириб келгани таҳмин қилинмоқда.
BBC мамлакатнинг йирик шаҳарларида текширув ўтказилганини маълум қилган. Ҳозирда ушбу жиноят иши доирасида икки киши қўлга олинган. Шунингдек, бир қанча Афғонистон фуқаролари ҳам ишга жалб қилинган.
Афғонистон жаҳоннинг энг йирик гиеҳванд модда етиштирувчи давлатларидан бири. Бу ерда опий кукунининг 90 фоизи ишлаб чиқарилади. Ушбу моддаларнинг йиллик айланмаси бир неча миллиард долларни ташкил этади.
Жаҳонгир Қўзиев
