Ляказетт «Арсенал» билан шартномасини узайтирмоқчи эмас
"Арсенал" ҳужумчиси Александр Ляказетт Лондон клубини тарк этиши мумкин. Хабарларга кўра, футболчи "канонирлар" билан шартномани узайтиришдан бош тортмоқда.
Ҳозирги кунда Ляказетт ва "Арсенал" ўртасида янги шартнома борасидаги музокаралар тўхтаб қолган. Футболчини сотиб олиш учун Испаниянинг "Атлетико" клуби асосий даъвогар бўлиб турибди.
Эслатиб ўтамиз, Ляказеттнинг амалдаги шартномаси келаси йил якунланади. Ҳужумчи 2017 йил "Лион" клубидан 53 миллион евро эвазига "Арсенал" футболчисига айланганди. Франциялик бу мавсумда барча турнирда учта ўйин ўтказиб, иккита гол урди ва битта голга ҳаммуаллифлик қилди.
Аввалроқ, Леон Горецка "Бавария" билан шартномани узайтирмоқчи эканлиги ҳақида хабар берган эдик.
Жамшидбек Амиров
