"Lasetti"дан пул ўғирлаган шахс топилди
Жиззах шаҳар ИИБга Зомин тумани "Беруний" маҳалла фуқаролик йиғинида истиқомат қилувчи тадбиркор У.А. ариза билан мурожаат қилган.
Аризада келтирилишича У.А. тунги соат 20:30 да "Маданият" маҳалла фуқаролик йиғинида жойлашган кафе олдига "Lasetti" русумли автоуловини қўйиб, овқат олиш учун кафега кирган. Бу вақт оралиғида автоулов юк хонасида бўлган жами 8 ярим миллион сўм пул номаълум шахс томонидан ўғирлаб кетилган.
Олиб борилган тезкор тадбир давомида ушбу жиноятни Фориш тумани "Боғдор" маҳалла фуқаролик йиғинида истиқомат қилувчи Б.А. содир этгани аниқланди. Гумонланувчидан 7 миллион сўм пул далилий ашё сифатида ҳужжатлаштирилди.
Эслатиб ўтамиз, аввалроқ Тошкентда ярим тунда "Spark" эшигини бузиб, пул ўғирлаган икки ўсмир ушлангани ҳақида хабар берилганди.
Муножат Валиева
