Беларусь киноси кунлари бошланди

 

 

Дастлаб «Беларусфильм» миллий киностудияси ижодкорлари оммавий ахборот воситалари  вакиллари билан мулоқот қилиб, уларнинг саволларига жавоб берди. Беларусь киноижодкорлари фикр-мулоҳазалари билан қизиқдик.

 

Владимир  Карачевски, «Беларусфильм» миллий киностудияси бош директори:

 

 

— Кеча бизни Тошкент халқаро аэропортида жуда чиройли  кутиб олишди.  Фестивалнинг тантанали очилиш маросимида қизил йўлакчадан ўтаётганимизда шахсан мени қаттиқ ҳаяжон босди. Ана шу лаҳзаларда ва бугун мени бизнинг фильмларимизни томошабин қандай кутиб олади, деган хаёл бир муддат тарк этгани йўқ. Фурсатдан фойдаланиб  тадбир ташкилотчиларига делегациямиз номидан миннатдорлик изҳор қиламан.

 

  Беларуслик киноижодкорлар фестивалга қандай фильмлар билан келган?

 

— Фестивалга  беларуслик киноижодкорлар томонидан  ишланган ва  кинофестиваль  номинациясига  киритилган  “Уруш. Инсон бўлиб қолмоқ”, “Қўпорувчи тақдири”, “Прантиш Вырвичнинг  саргузаштлари”, “Ўйинчи тақдири” номли фильмларимизни олиб келганмиз. Уларда Иккинчи жаҳон уруши даврида  бошига оғир мусибат   тушган оддий одамларнинг  ўй кечинмалари,   уруш қатнашчиларининг   ўша даврга бўлган муносабати, дўстлик,  севги-муҳаббат каби  инсоний туйғулар  маҳорат  билан акс этган. Ушбу фестиваль келажакда  ўзаро ҳамкорликда  фильмлар суратга олиш, тажриба алмашиш, киностудиялар ва мамлакатлар  ўртасида кино  маданияти ва санъати  йўналишларидаги  алоқаларни  ривожлантиришга  хизмат қилади, деб умид қиламан.

 

Эслатиб ўтамиз, кинофестиваль бош ҳомийси: AGMK, NGMK va “O‘zbekneftgaz”. Ҳамкор ҳомийлар: “O‘ZBEKTELEKOM”, “O‘zdonmahsulot” AK, “O‘zpromstroybank”ATB, “Ipoteka-bank” ATIB, “Asakabank”AJ, “O‘zbekiston temir yo‘llari”, “Hududgazta’minot”, “UzAuto Motors”AJ, “O‘zmetkombinat” AJ, “Milliy bank”AJ, “Farg’onaazot”AJ, “Eriell”, “Bosch” TM, “Easy Booking”.

Муножат Валиева