Бодибилдинг ва жисмоний спорт турлари бўйича жаҳон чемпионатида ҳамюртларимиз муносиб иштирок этди
4-6-октябрь кунлари пойтахтимиздаги «Ҳумо Арена» спорт мажмуасида Бодибилдинг ва жисмоний спорт турлари бўйича ХII жаҳон чемпионати ўтказилди.
Юртимизда илк маротаба ташкил этилган нуфузли мусобақада дунёнинг 21 давлатидан 300 нафарга яқин спортчи иштирок этди. Уч кун давом этган мусобақа бугун якунига етди. Қувонарлиси, мусобақада ҳамюртларимиз ҳам муносиб иштирок этди.
Жумладан, жаҳон чемпионатининг иккинчи кунги баҳсларида юртдошларимиз Жаҳонгир Жўраев, Фарҳод Баҳриев, Ҳайит Ҳасанов, Шуҳрат Абдалиев, Эвелина Илдаровна, Милена Прудских ўз йўналишларида олтин медалга сазовор бўлди. Яна бир гуруҳ спортчиларимиз эса кумуш ва бронза медалларини қўлга киритди.
Маълумот учун, жаҳон чемпионати доирасида эркаклар ва аёллар мусобақасида қуйидаги тоифалар тақдим қилинган эди.
Жамшид Амиров
