Бухорода хонадонида "каннабис" ўсимлиги етиштирган фуқарога чора кўрилди
Олинган тезкор маълумотлар асосида Бухоро тумани "Янгитурмуш" маҳалласида яшовчи, Н.И. нинг яшаш хонадони кўздан кечирилганида, унинг томорқа ерида 5 туп "каннабис" (каноп) ўсимликларини қонунга хилоф равишда экиб парваришлаб келаётганлиги аниқланган.
Бу ҳақда ИИВ матбуот хизмати хабар қилди.
Вилоят ИИБ Эксперт-криминалистика бўлимининг судга оид кимёвий экспертиза хулосаси буни тасдиқлади.
Мазкур ҳолат юзасидан Н.И. га нисбатан Жиноят кодексининг 270-моддаси 1-қисми билан жиноят иши қўзғатилиб, дастлабки тергов ҳаракатлари олиб борилмоқда.
Аввалроқ Фарғонада олма боғида "каннабис" етиштирган фуқарога чора кўрилгани ҳамда Самарқандда "каннабис плантацияси" топилгани ҳақида хабар берган эдик.
Муножат Валиева
