Фюри бу гал техник нокаут билан қаноатланмади
Бугун WBC чемпионлик камари учун бўлган жангда Тайсон Уайлдерни нокаутга учратди.
Америка Қўшма Штатларининг Лас Вегас шаҳрида катта профессионал бокс оқшоми бўлиб ўтди. Тайсон Фюри ва Деонтей Уайлдер ўртасидаги жангни миллионлаб мухлислар кузатиб борди.
Жанг давомида тўлиқ устунлик қилган британиялик Фюри 11-раундда рақибини нокаутга учратди ва WBC камарини ҳимоя қилди.
Эслатиб ўтамиз, боксчилар бу билан учинчи маротаба рингга кўтарилди. Биринчи жангда ҳакамлар дуранг қайд этган бўлса, иккинчисида Тайсон Уайлдерни 7-раундда техник нокаутга учратган эди.
Аввалроқ Деонтей Уайлдернинг айнан шу жанг олдидан билдирган фикрлари ҳақида маълумот берган эдик.
