Жозеф Байден ҳаётини сақлаб қолган таржимон Афғонистонни тарк этишга муваффақ бўлди
2008 йилда АҚШнинг амалдаги президенти Жозеф Байденнинг ҳаётини сақлаб қолган афғон таржимони Афғонистонни тарк этишга муваффақ бўлди. Бу ҳақда CNN хабар берди.
Маълум бўлишича, Омон Халилий оиласи билан Покистонга борган. Покистон орқали эса бошқа давлатга учиб кетган. Ҳозирда унинг қайси мамлакатда эканлиги номаълум.
Аммо баъзи маълумотларга кўра, Халилийни эвакуация қилинишида АҚШ расмийлари ёрдам бермаган. Уни Афғонистондан Америка собиқ ҳарбийлари қуруқлик орқали олиб чиқиб кетган.
2008 йилда Жо Байден АҚШ вице-президенти сифатида Афғонистонга келган. Аммо у учган самолёт мамлакатнинг маълум ҳудудида фавқулодда қўнишни амалга оширган. Халилий ўшанда ўтиш қийин бўлган йўллардан биринчи бўлиб ёрдамга етиб келган.
Бундан аввал “Толибон” НАТОни дипломатик тамойиллар асосида мулоқот қилишга чақирганди. Шунингдек, ҳаракат молиявий манбалари ҳақида хабар берилган эди.
Жаҳонгир Қўзиев
