Ўзбекистон — Иордания: 9 ғалаба, 4 дуранг, 1 мағлубият
Бугун Иордания давлатида йиғин ўтказаётган Сречко Катанец бошчилигидаги Ўзбекистон футбол терма жамоаси Иорданияга қарши ўртоқлик учрашувида майдонга тушади.
Шу кунга қадар Ўзбекистон терма жамоаси Иордания билан 14 маротаба тўқнаш келган. Шундан 9 тасида терма жамоамиз ғалаба қозонган бўлса, битта ўйинда Иордания устунлик қилган. 4 та баҳсда эса дуранг натижа қайд этилган. Охирги марта жамоалар шу йилнинг февраль ойида ўзаро ўртоқлик учрашувида майдонга тушган эди. Унда Ўзбекистон термаси 2:0 ҳисобида устун келган.
Эслатиб ўтамиз, жамоамиз 9 октябрь куни мазкур йиғин доирасида Малайзия жамоасини 5:1 ҳисобида мағлуб этганди.
Аввалроқ, “Нефтчи” уч йиллик танаффусдан сўнг яна Суперлигага қайтгани ва Бекободда “Реал Мадрид” футбол академияси очилгани ҳақида хабар берилганди.
Жамшидбек Амиров
