Самарқандда кўтарма кран қулаб тушди
Самарқандда кўтарма кран қулаб тушди. Бу ҳақда вилоят ИИБ ахборот хизмати хабар бермоқда.
Маълум қилинишича, бугун, 13 октябрь куни соат 14:30 ларда Каттақўрғон шаҳрининг Улуғбек Барноев кўчасида қурилаётган кўп қаватли уйларни қуришда фойдаланилаётган кўтарма кран транспорти юк оғирлигини кўтара олмай, қулаб тушган.
Таъкидланишича, ҳодиса оқибатида кран ҳайдовчиси 1991 йилда туғилган Н.Т. шаҳар тиббиёт бирлашмасига юборилиб, биринчи тиббий ёрдам кўрсатилган. Ҳозирда унинг аҳволи яхши.
Ҳолат юзасидан терговга қадар текширув ҳаракатлари олиб борилмоқда.
Аввалроқ маст эркак қурилиш крани устига чиқиб, ножўя хатти-ҳаракатлар қилгани ҳақида хабар берилганди.
