Иқтисодий қийинчиликлар туфайли "Толибон"нинг наркотрафик даромадларидан воз кечиши қийин — Владимир Путин
Владимир Путин Афғонистонда ИШИД хавфи ва “Толибон” ҳукумати ҳақида фикр билдирди. РФ президенти бу ҳақда МДҲ давлат раҳбарлари кенгашида маълум қилган.
Путиннинг сўзларига кўра, ИШИДнинг асосий мақсади – этник ва диний низоларни қўзғаш бўлиб, шу орқали бутун Марказий Осиёга таъсир кўрсатишга ҳаракат қилмоқда. Шунингдек, террорчилар МДҲ ҳудудига қочқинлар кўринишида киришга ҳаракат қилаётгани маълум қилинди.
Путин “Толибон” ҳукумати инклюзив эмаслигига эътибор қаратди. “Вақтинчалик ҳукумат афғон жамиятининг барча қисмларини қамраб олмаган. МДҲ толиблар ўз ваъдасини амалий ишлар билан мустаҳкамлашини кутмоқда”, деган Россия раҳбари. Шу билан бирга, оғир иқтисодий аҳвол туфайли ҳаракат аъзолари наркотрафик даромадларидан воз кечиши қийинлиги таъкидланди. “Толибларни тан олишга шошилмаслик керак, аммо улар билан мулоқот қилиш ва афғонлараро ярашув жараёнини қўллаб-қувватлаш зарур”, – деб қўшимча қилган президент.
Бундан аввал Қатар давлатларни “Толибон” ҳокимиятини тан олишда шошилмасликка чақирганди. Шунингдек, РФ ташқи ишлар вазири Андрей Руденко толиблар Афғонистон шимолида назоратни йўқотаётганини маълум қилганди.
Жаҳонгир Қўзиев
