Тошкентда "Lacetti" ва автобус иштирокида ЙТҲ юз берди

 

Маълум қилинишича, жорий йилнинг 18 октябрь куни соат 06:30 ларда Тошкент шаҳрида "4-Автобус саройи" ҳайдовчиси К.Ф. "Mersedes-Bens" русумли автобусни 122-йўналишда Чоштепа кўчаси бўйлаб бошқариб бораётган вақтида, қайрилиб олиш жараёнида "Lacetti" русумли енгил автомобиль автобуснинг орқа қисмига келиб урилган.

 

Дастлабки маълумотларга кўра, "Lacetti" ҳайдовчиси бошқарув вақтида ухлаб қолган. Шу сабабли, у бошқарувни йўқотиб, автобусга урилгани айтилмоқда. Оқибатда, ҳайдовчи тан жароҳати олган ва шифохонага ётқизилган.

 

Мазкур йўл-транспорт ҳодисаси ўрнатилган тартибда Давлат йўл ҳаракати хавфсизлиги хизмати инспекторлари томонидан расмийлаштирилган. 

 

Ҳозирда "Тошшаҳартрансхизмат" АЖ мутасадди ходимлари томонидан хизмат суриштируви ўтказилмоқда.  

 

Аввалроқ Мирзо Улуғбек туманида 5 та автомобиль иштирокида ЙТҲ содир бўлгани, Тошкентда юз берган автоҳалокатда 10-синф ўқувчиси вафот этгани, Сурхондарёда бахтсиз ҳодиса оқибатида “Matiz” ағдарилиб кетгани ҳамда Наманганда юк автомобиллари иштирокидаги ЙТҲ оқибатида бир киши вафот этгани ҳақида хабар берилганди.

 

Ширин Холматова