Тошкент шаҳар бош имом-хатиби ўзгарди
Ўзбекистон мусулмонлари идораси Матбуот хизматининг хабар беришича, Тошкент шаҳрига янги бош имом-хатиб тайинланган.
Хабарда айтилишича, Тошкент шаҳри Юнусобод тумани бош имом-хатиби ва "Мирза Юсуф" жоме масжиди имом-хатиби Сайфуддинов Раҳматуллоҳ ушбу вазифага тайинланган.
Сайфуддинов Раҳматуллоҳ иш фаолияти давомида Тошкент шаҳридаги "Хўжа Аламбардор", "Минор" жоме масжиди имом-хатиби ва шу кунга қадар Тошкент шаҳри Юнусобод тумани бош имом-хатиби ва "Мирза Юсуф" жоме масжиди имом-хатиби вазифаларида меҳнат қилаётган эди.
Аввалроқ, Нуриддин домла Холиқназаров Ўзбекистон мусулмонлари идораси раиси, муфтий лавозимига сайлангани ҳақида хабар берган эдик.
