Бокс. Жаҳон чемпионатининг иккинчи кунида юртимиз шарафини кимлар ҳимоя қилиши маълум бўлди
Бугун мусобақада уч нафар боксчимиз рингга кўтарилади.
25 октябрдан бошлаб Сербиянинг Белград шаҳрида бокс бўйича жаҳон чемпионатига старт берилди. Кеча ушбу нуфузли турнирнинг дастлабки кунги беллашувлари бўлиб ўтди. Унда Асадхўжа Мўйдинхўжаев ҳамюртларимиздан биринчилардан бўлиб жангларни бошлаб берди. Ирландиялик Брендон Маккиверга қарши кечган тўқнашувда спортчимиз яққол устунлик билан ғалаба қозонди.
Бугун ҳам бир қатор боксчиларимиз рингга кўтарилади. Хусусан, -80 кг вазнда Одилжон Асланов танзаниялик Юсуф Чангалавейга қарши баҳс олиб борса, Рио Олимпиядаси чемпиони Ҳасанбой Дўстматов -51 кг вазнда қозоғистонлик рақиби Сакен Бобосиновни синовдан ўтказади. Шунингдек -75 кг вазн тоифасида Саиджамшид Жафаров словакиялик Л.Фернеза билан кейинги босқич йўлланмаси учун кураш олиб боради.
Аввалроқ профессионал бокс кечасида ўзбекистонлик мураббийнинг шогирди ғaлаба қозонгани ва Ўзбекистон бокс терма жамоасининг таркиби эълон қилингани ҳақида хабар берилганди.
Жамшидбек Амиров
