Сурхондарёлик аёл ўзи ва икки фарзандини ўлдирмоқчи бўлди
Воқеа вилоятнинг Музработ туманида содир бўлган. Аёл ўзи ва фарзандларини сувга ташламоқчи бўлган.
Жорий йилинг 20 октябрь куни соат 9 :30 атрофида аёл мудҳиш ниятини амалга ошириш мақсадида "Занг" канали бўйига келади. Оиладаги муаммолар Дилнозани ана шундай мудҳиш жиноятга ундайди. Лекин унинг нияти амалга ошмай қолади.
Яқин атрофни назорат қилиб юрган ички ишлар ходими Бобомурод Арноқулов аёлнинг ҳаракатларидан шубҳаланиб, унинг ёнига боради, мақсадини билгач, вазиятни юмшатишга, бундай ишни қилмасликка даъват қилади. Ана шундан сўнг аёл бу фикридан қайтади.
Қайд этилишича, ҳозирда ушбу ҳолат юзасидан терговга қадар текширув ҳаракатлари олиб борилмоқда.
Аввалроқ, ўз жонига қасд қилишга мойил ва руҳиятида ўзгариш бўлган ўқувчи қизларнинг рўйхати шакллантирлиши ҳақида хабар бергандик.
