Хави — “Барселона”нинг янги мураббийи
“Ал-Садд” Хавининг “Барселона” клубига ўтганини эълон қилди.
Каталонияликлар унинг Қатар клуби билан шартномасида кўрсатилган товон пулини тўлаганидан кейин мутахассис билан шартнома тузиши мумкин бўлади.
“Ал-Садд” маъмурияти шартномада кўрсатилган муддатдан олдин кетиш бандини тўлаб, Хавини “Барселона”га қўйиб юборишга рози бўлди. Келажакда “Барселона” билан ҳамкорлик қилишга ҳам келишиб олинган.
Эслатиб ўтамиз, бундан аввал Хавининг Қатар клуби раҳбарияти билан келишуви борлиги, унга кўра топ-клублардан таклиф тушса, уни қўйиб юбориши ҳақида хабар берилган эди.
Аввалроқ Хави билан музокара кўнгилдагидек ўтгани ҳақида хабар берилганди.
Жамшидбек Амиров
