"Янги белги. Бу қандай қоидани билдиради?
Ижтимоий тармоқларда тарқалган шов-шувли хабарга ЙҲХББ муносабат билдирди.
Кеча ижтимоий тармоқларда Ўзбекистонда янги йўл белгиси пайдо бўлгани ҳақида хабарлар тарқалди. Бу фойдаланувчилар томонидан турли фикр-мулоҳазаларга сабаб бўлди. Ушбу суратга ЙҲХББ қуйидагича муносабат билдирди.
Қайд этилишича, ушбу маълумот ҳақиқатга тўғри келмайди ва тегишли қарорда ҳам бундай белги акс этмаган.
"Ўзбекистон Республикаси ИИВ ЙҲХББ маълум қилади, ушбу белги ГОСТ 23457-86 талабларида ва Вазирлар Маҳкамасининг 2015 йил 24 декабрдаги " Йўл ҳаракати қоидаларини тасдиқлаш" тўғрисидаги 370 сон қарорида ҳам мавжуд эмас", — дейилади хабарда.
