Алимент тўлашдан бўйин товлаган отага жиноий иш очилди
Унга 1 йил муддатга озодликдан маҳрум қилиш жазоси тайинланди.
Сирдарёда ФИБ Гулистон туманлараро судининг 2017 йилдаги ҳал қилув қарорига кўра, фуқаро A.A. дан уч нафар фарзанди учун алимент ундириш белгиланган эди. Бироқ фуқаро алиментни ўз вақтида тўламай турли баҳоналар билан пайсалга солиб келаверди.
Товламачи отанинг қарздорлик 28 млн 393 минг 235 сўмга етгач тўпланган ҳужжатлар судга юборилади.
Фуқаро А.А. нисбатан маъмурий суд томонидан 15 суткалик қамоқ жазоси тайинланди. Аммо шундан ҳам ўзига тўғри хулоса чиқармаган А.А. яна тўловларни амалга оширмай МИБ ходимларидан қочиб юрди.
Мазкур ҳолат юзасидан ЖИБ Гулистон шаҳар судининг ҳукмига асосан A.A. ЖКнинг 122-моддаси 1-қисми билан айбли топилиб, жабрланувчи М.Т. га 32 миллион 56 минг 419 сўм миқдорида етказилган зарар ундириш ва 1 йил муддатга озодликдан маҳрум қилиш жазоси тайинланди.
Аввалроқ, Қарздор ота алимент тўлови ўрнига фарзандларига уй бергани ҳамдаалимент тўламаган 11 нафар ота қамоққа олингани ҳақида хабар берилганди.
Муножат Валиева
