Бугун "Рома" Шомуродовнинг собиқ жамоасига қарши ўйнайди
Элдор Шомуродов Генуяга йўл олди.
Терма жамоамиз таркибидаги Элдор Шомуродов тўп тепадиган “Рома” Италия А сериясининг навбатдаги турида “Женоа” майдонига сафар қилади.
Айни вақтда "Рома" 12 турда 19 очко билан 6-ўринда бормоқда. "Женоа" эса 9 очко жамғарган бўлиб, 17-поғонадан ўрин олган. Элдор Шомуродов 10 та учрашувда битта гол урди.
Маълумот учун: Римликлар Элдор Шомуродовнинг собиқ жамоасига қарши майдонга тушади. Учрашув 21 ноябрдан, 22 ноябрга ўтар кечаси Генуядаги “Луижжи Феррарис” стадионида Тошкент вақти билан 00:4 5да бошланади.
20 ноябрдан Италияда 13-тур баҳслари бошланди. Бугун "Рома" "Женоа" билан ўзаро беллашади.
Эслатиб ўтамиз, Шомуродов ўтган мавсумда А Серияда 31 та баҳсда майдонга тушиб, 8 та гол урган.
Аввалроқ Элдор Шомуродов "Рома"да бир мавсумда 2 миллион евро маош олиши, Римда бўлиб ўтган хайрия ташаббусида иштирок этгани, “Рома” билан 5 йиллик шартнома имзолагани ҳамда осиёлик энг қимматбаҳо футболчилар ўнлигидан жой олгани ҳақида хабар берилганди.
