Ноҳақ ишда ривож йўқ

 

Бу ҳақда Бош прокуратура ҳузуридаги Иқтисодий жиноятларга қарши курашиш департаментининг расмий тelegram-каналида маълум қилинди. 

 

“The Procter & Gamble” компанияси ишончли вакилининг мурожаатига асосан туман ДСИ билан ўтказилган тезкор тадбирда, фуқаро Э.Т. ўзининг яшаш хонадонида яширин цех ташкил қилиб, ҳар бири 2 кг. дан қадоқланган полиэтилен қопларда “Ariel”, “Tide”, “Persil” ва “Миф” номли брендлар остида қалбакилаштирилган кир ювиш кукунларини ишлаб чиқарилаётганлиги аниқланди.

 

Шунингдек, ашёвий далил сифатида ушбу хонадондан 4 540 кг ярим тайёр маҳсулотлар, 146 дона кир ювиш кукуни, 111 дона турли бренд номлари туширилган полиэтилен пакетлар, 2 дона қадоқлаш ускунаси ва ўлчаш тарози борлиги аниқланган.

 

Мазкур ҳолат юзасидан Жиноят кодексининг 149-моддаси (муаллифлик ёки ихтирочилик ҳуқуқларини бузиш) билан жиноят иши қўзғатилиб, тергов ҳаракатлари ўтказилмоқда.

 

Аввалроқ қалбаки ПЗР-тест натижаларини сотиш билан шуғулланган гуруҳ аниқлангани ҳамда янги йўл шаҳрида қалбаки пул тайёрлаган шахслар ушлангани ҳақида хабар берилганди.

Муножат Валиева