Ўзбек боксчиларидан ғалабали юриш
Бугун Тошкент шаҳрида профессионал бокс оқшоми ўтказилди.
Унда бир қатор номдор боксчиларимиз жанг олиб боришди. Хусусан, кечанинг биринчи жангида Дилшодбек Рўзметов россиялик Максим Смирновни 6 раундлик тўқнашувда очколар эвазига мағлуб этди. Иккинчи жангда эса Иқболжон Холдоров беларуслик Дмитрий Милиушани 1-раунддаёқ нокаутга учратишга муваффақ бўлди.
Яна бир ҳамюртимиз Элнур Абдураимов Филиппин вакили Жон Геминони 6-раундда нокаутга учратган бўлса, Бектемир Мелиқўзиев россиялик Сергей Екимовдан 8 раундлик жангда очколар ҳисоби бўйича устун келди.
Сўнгги жаҳон чемпионати иштирокчилари Ҳасанбой Дўсматов ва Шаҳрам Ғиёсовлар ҳам ўзларининг навбатдаги ғалабаларини қўлга киритишди.
Кечанинг асосий баҳсида ҳамюртимиз Исроил Мадримов франсуз Мишел Сорога қарши чемпионлик камари учун элиминатор жангини ўтказди. Жангнинг 9-раунддида вакилимиз рақиби устидан нокаут эвазига ғалаба қозонди.
Жамшидбек Амиров
