Қаршида “Газел” ёниб кетди
Воқеа 16 декабрь куни соат тахминан 17:02 лар атрофида бўлган.
101 қисқа рақами орқали Қарши шаҳар ФВБ га Қарши шаҳар А. Навоий кўчасида ҳаракатланиб келаётган автомобилда ёнғин содир бўлгани ҳақида мурожаат келиб тушган.
.
Ёнғин жойига Қарши шаҳар ФВБ дан 1 та ёнғин-қутқарув бўлинма жалб этилиб, ёнғин бартараф этилган.
Қашқадарё вилоят фавқулодда вазиятлар бошқармаси хабарида айтилишича, рўй берган ёнғин автоуловнинг мотор ва олд салон қисмини қисман зарарлаган.
Дастлабки маълумотларга кўра, ушбу траспорт воситаси Қарши тумани Дашт ҚФЙ да яшовчи 1979 йилда туғилган фуқаро Ж.Р бошқарувида бўлган "UZTELECOM" АЖнинг Қашқадарёдаги бўлимига қарашли “Газел” русумли автомобиль эканлиги маълум бўлди.
Маълум бўлишича, ёнғиндан ҳеч ким тан жароҳати олмаган.
Эслатиб ўтамиз, аввалроқ “Tesla”нинг янги модели ёниб кетгани ҳамда “Damas” ва “Cobalt” рақобати узоққа чўзилмади: ЙТҲда "Damas" ёниб кетгани ҳақида хабар берилганди.
Чўлпоной Аҳмедова
