Вертолёт шоссега қулаб тушди
Воқеа оқибатида учувчи ҳалок бўлди.
АҚШнинг Луизиана штатида вертолёт гавжум шоссега қулаб тушди. Ҳодиса оқибатида учувчи ҳалок бўлди, деб хабар беради маҳаллий Wлох портали.
Бахтли тасодиф туфайлигина ҳаракатланиб кетаётган бошқа автомобилларга зарар етмаган. Полиция маълумотларига кўра, вертолёт Боннет-Карре-Спилwай кўпригида қулаган.
Тахминларга кўра, гап бортида фақат учувчи бўлган Белл 407 вертолёти ҳақида кетмоқда.
Воқеа АҚШ Федерал Авиация бошқармаси ва Миллий Транспорт хавфсизлиги кенгаши томонидан текширилмоқда.
Магистраль йўлда ҳаракат қисман тўсиб қўйилган. Шунингдек, қайд этилишича, аварияда электр линияларига шикаст етган, бу эса яқин атрофдаги аҳоли пунктларидаги 20 мингга яқин одамни электр энергиясидан маҳрум қилган.
Эслатиб ўтамиз, Камчаткада вертолётнинг қулаши оқибатида 16 киши ҳаётдан кўз юмган эди. Шунингдек, Хабаровск ўлкасида ҳам самолётнинг ҳалокатга учраши натижасида барча экипаж аъзолари вафот этган эди.
