Тадбиркорликни рўйхатдан ўтказиш енгиллашади
Ушбу хизмат учун БҲМнинг бешдан бир қисми, тўланади.
Вазирлар Маҳкамаси қарори билан ҳукуматнинг айрим қарорларига ўзгартириш ва қўшимчалар киритилди.
Унга кўра, адвокатлик лицензиясини олишга оид аризалар адлия органлари томонидан 10 иш кунида кўриб чиқилади (илгари 20 иш куни эди).
Бундан ташқари, васийлик ва ҳомийлик қилишга тўсқинлик қилувчи жиноятларнинг аниқ рўйхати белгиланди (илгари қасддан содир этган жинояти учун ҳукм қилинганларнинг барчасига чеклов мавжуд эди).
Эндиликда тадбиркорликни қайта рўйхатдан ўтказиш рад этилганидан 5 иш кунида қайта рўйхатдан ўтказиш учун мурожаат қилинса давлат божи тўланмайди.
Тадбиркорликни рўйхатдан ўтказиш учун БҲМнинг (1 БҲМ — 275 минг сўм) 20 фоизи миқдорида йиғим ундирилади (илгари БҲМнинг 1 баравари миқдорида ундирилган).
Маълумот учун: мазкур рўйхат учун йиғим 80 фоизга камайтирилиш мумкин.
Эслатиб ўтамиз, аввалроқ Шавкат Мирзиёев тадбиркорлар билан очиқ мулоқот ўтказгани ҳамда ёш тадбиркорларга 540 миллион сўмгача кредит берилиши ҳақида хабар берилганди.
Чўлпоной Аҳмедова
