Вояга етмаган талончи қўлга олинди
У нархи 2.500.000 сўмлик "Samsung S-10" русумли телефонни олиб қочган.
Қўқон шаҳрида Б.Н исмли аёл ИИБга мурожаат қилиб, унда вояга етмаган С.Н вояга етмаган ўғли А.А.ни орқасидан кузатиб, яшаш хонадони дарвозаси олдига етиб келган вақтида, уни қўлида бўлган нархи 2.500.000 сўмлик "Samsung S-10" русумли телефон аппаратини тортиб олиб, талончилик йўли билан қўлга киритганини билдирган.
Мазкур ҳолат юзасидан Қўқон шаҳар ИИО ФМБ ҳузуридаги тергов бўлими томонидан Жиноят кодексининг 166-моддаси 1-қисми (талончилик) билан жиноят иши қўзғатилиб, процессуал тартибда ушланган.
Ҳозирда суриштирув ишлари олиб борилмоқда.
Аввалроқ, Тошкентда талончилар дўкон сотувчисини пичоқ билан қўрқитиб, 4 миллион сўмини олиб кетгани ҳақида хабар берилганди.
Муножат Валиева
