Михаил Саакашвили касалхонадан қамоқхонага қайтди
Унинг адвокати сиёсатчининг аҳволи ёмон эканини айтмоқда.
Михаил Саакашвили яна Рустави қамоқхонасига олиб кетилди. Бу ҳақда Euronews.com хабер берди.
Грузиянинг собиқ президенти ноябрь ойининг охиридан бери даволанаётган Гори касалхонасидан у ерга олиб кетилди.
Сиёсатчининг адвокатлари айни дамда унинг аҳволи оғир эканини таъкидламоқда.
Маълумот учун: Михаил Саакашвили 1 октябрь куни Грузияга қайтиб келди ва у ерда тўртта жиноий иш бўйича айбланувчи сифатида ҳибсга олинди. Улардан иккитасида у айбдор деб топилиб, уч ва олти йиллик қамоқ жазосига ҳукм қилинди. Яна иккита иш кўриб чиқилмоқда.
Аввалроқ Саакашвили ўзини сиёсий маҳбус деб ҳисоблагани учун очлик эълон қилган эди. Бу 50 кун давом этди. Кейин соғлиғи ёмонлашгани сабабли қамоқхона касалхонасига ётқизилган.
Эслатиб ўтамиз, АҚШ Грузия ҳукуматини Саакашвилига нисбатан адолатли бўлишга чақирган эди.
