“Omicron” инсоният тарихидаги энг юқумли вирусга айланди
Дунё бўйича касалликка чалиниш ҳолати рекорд даражага етди.
Куни кеча дунё бўйлаб 2,7 миллиондан ортиқ кишида “СOVID-19” инфекцияси аниқланди.
Мураккаб эпидемиологик вазият қатор мамлакатларда янги муаммоларни келтириб чиқармоқда.
Хусусан, Буюк Британияда тиббиёт ходимлари етишмовчилиги туфайли ҳарбий хизматчилар шифокорларга ёрдамлашишга киришди.
Италиядаги шошилинч тиббий ёрдам муассасаларида ўрин-жойлар етишмаяпти. Шу сабабли энди беморларни махсус чодирларда муолажа қилиш йўлга қўйилди.
Испания олимлари эса “омикрон”ни “инсоният тарихидаги энг юқумли вирус” деб аташди. У ҳозиргача бу борада қайд этилган барча рекордларни янгилади.
Тиббиёт тарихи билан шуғулланувчи олим Антон Аракоркенинг таъкидлашича, “омикрон” бизга маълум вируслар ичида энг “портловчи” микроорганизмдир. ХIХ асрда вабонинг дунё бўйлаб тарқалиши учун йиллар керак бўлган. Янги мутация эса бу маррани бир ойдаёқ “забт” этди.
Аввалроқ мутахассислар томонидан "Omicron" штаммининг дастлабки аломатлари маълум қилинганди.
